Awgrymiadau
Pecyn Swyddi >> 60 o gwestiynau cyfweliadau
- Beth yw eich nodau a’ch amcanion tymor hir a thymor byr. Pryd a pham penderfynoch ar y nodau hyn a sut rydych yn paratoi eich hun i’w cyflawni?
- Pa nodau penodol, ar wahân i’r rhai sy’n berthnasol i’ch gwaith, rydych wedi eu pennu i’ch hun dros y 10 mlynedd nesaf?
- Beth byddwch yn ei wneud ymhen pum mlynedd yn eich barn chi?
- Beth rydych chi wir eisiau ei gyflawni yn eich bywyd?
- Beth yw eich amcanion gyrfa tymor hir?
- Sut rydych chi’n bwriadu cyflawni eich nodau gyrfa?
- Beth yw’r manteision pwysicaf rydych yn eu disgwyl yn eich gyrfa?
- Beth rydych yn disgwyl ei ennill o ran cyflog ymhen pum mlynedd?
- Pam dewisoch chi’r yrfa rydych yn paratoi ar ei chyfer?
- Beth sy’n bwysicach i chi, yr arian neu’r math o swydd?
- Beth yw eich cryfderau a’ch gwendidau mwyaf yn eich barn chi?
- Sut byddech chi’n disgrifio’ch hun?
- Sut byddai ffrind neu gydweithiwr sy’n eich adnabod yn eich disgrifio?
- Beth sy’n eich cymell i wneud eich gorau?
- Sut mae eich profiad yn yr ysgol wedi eich paratoi am yrfa?
- Pam dylwn i eich penodi?
- Pa gymwysterau sydd gennych a fydd yn eich gwneud yn llwyddiannus?
- Sut rydych chi’n dynodi neu’n gwerthuso llwyddiant?
- Beth mae ei angen i lwyddo mewn cwmni fel hwn, yn eich barn chi?
- Sut gallwch chi gyfrannu at ein cwmni?
- Pa rinweddau dylai rheolwr llwyddiannus feddu arnynt?
- Disgrifiwch y berthynas a ddylai fod rhwng goruchwyliwr a’r rhai sy’n atebol iddo/iddi
- Disgrifiwch eich rheolwr gorau/gwaethaf
- Ymhlith eich cyflawniadau, pa ddau neu dri sydd wedi rhoi’r boddhad mwyaf i chi? Pam?
- Disgrifiwch y profiad yn yr ysgol a roddodd y boddhad mwyaf i chi.
- Pe byddech chi’n penodi i’r swydd hon, pa rinweddau byddech yn chwilio amdanynt?
- Pam dewisoch chi eich ysgol neu’ch prifysgol?
- Beth oedd eich rhesymau dros ddewis eich maes astudio?
- Pa bynciau roeddech yn eu hoffi fwyaf yn yr ysgol? Pam?
- Pa bynciau roeddech yn eu hoffi leiaf yn yr ysgol? Pam?
- Pe gallech wneud hynny, sut byddech yn cynllunio’ch astudio academaidd yn wahanol? Pam?
- Pa newidiadau byddech yn eu cyflwyno yn eich ysgol neu’ch prifysgol? Pam?
- Oes gennych gynlluniau i barhau i astudio? Uwch radd?
- Ydych chi’n meddwl bod eich graddau’n adlewyrchiad da o’ch cyflawniad academaidd?
- Beth rydych wedi’i ddysgu drwy gymryd rhan mewn gweithgareddau allgyrsiol?
- Ym mha fath o amgylchedd gwaith rydych chi’n fwyaf cyfforddus?
- Sut rydych chi’n gweithio o dan bwysau?
- Pa swyddi rhan-amser neu haf sydd wedi bod o’r diddordeb mwyaf i chi? Pam?
- Sut byddech yn disgrifio’r swydd ddelfrydol i chi ar ôl i chi raddio?
- Pam penderfynoch chi geisio am swydd gyda’r cwmni hwn?
- Beth rydych yn ei wybod am ein cwmni?
- Enwch y ddau neu’r tri pheth yn eich swydd sydd bwysicaf i chi?
- Ydych chi’n chwilio am waith mewn cwmni o faint arbennig? Pam?
- Pa feini prawf rydych yn eu defnyddio i werthuso’r cwmni rydych yn gobeithio gweithio iddo?
- Ydy lleoliad daearyddol yn gwneud gwahaniaeth i chi? Pam?
- A fyddwch yn symud? Ydy symud yn eich poeni?
- Ydych chi’n fodlon teithio?
- Ydych chi’n fodlon treulio o leiaf chwe mis o dan hyfforddiant?
- Beth sy’n gwneud i chi feddwl yr hoffech chi fyw yn y gymuned mae ein cwmni’n rhan ohoni.
- Ydych chi wedi wynebu problem fawr? Sut gwnaethoch chi ei datrys?
- Beth rydych wedi’i ddysgu gan eich camgymeriadau?
- Dywedwch wrthyf amdanoch chi’ch hun.
- Pam rydych chi am weithio yn y maes hwn?
- Rhowch enghraifft i mi o broblem rydych wedi’i datrys.
- Pa agweddau ar y swydd hon a fyddai’n achosi’r her fwyaf i chi?
- Beth gallwch chi ei wneud i ni nad yw rhywun arall yn gallu ei wneud.
- Dywedwch wrthyf am y person mwyaf anodd i chi erioed weithio gydag ef. Beth oedd y sefyllfa? Beth gwnaethoch chi? Beth ddigwyddodd?
- Meddyliwch am adeg pan fu rhaid i chi gysylltu â rhywun dieithr a’i ddarbwyllo i wneud rhywbeth. Beth oedd y sefyllfa? Beth gwnaethoch chi? Beth ddigwyddodd?
- Meddyliwch am sefyllfa pan oedd rhywun yn ddig gyda chi neu bu gwrthdaro. Beth oedd y sefyllfa? Beth gwnaethoch chi? Beth oedd y canlyniadau?
- Pam rydych yn gadael eich swydd bresennol?
I ddechrau chwilio am swydd, edrychwch ar Becyn Swyddi Gweithffyrdd:
Darganfyddwch fwy trwy gysylltu â'ch swyddfeydd lleol
Castell Nedd Port Talbot
Ceredigion
Sir Benfro
Sir Gâr
