Gyda chefnogaeth gwerth £17.3 miliwn o gyllid yr UE, mae Gweithffyrdd+ yn helpu pobl sy’n ddi-waith ac yn anweithgar yn economaidd yng Nghastell-nedd Port Talbot, Abertawe, Sir Gâr, Sir Benfro a Cheredigion i wella eu bywydau trwy gymorth cyflogaeth.

Mae Gweithffyrdd+ yn cynnig mentora un i un, cefnogaeth i chwilio am swyddi a sgiliau cyfweliad, a’r cyfle i ennill cymwysterau newydd. Mae cefnogaeth yn cynnwys unigolion y mae ganddynt gyflyrau iechyd ac anableddau sy’n cyfyngu ar eu gallu i weithio, yn ogystal â phobl â chyfrifoldebau gofal a phobl heb lawer o sgiliau neu heb unrhyw sgiliau o gwbl.

Mae’r Tîm Rhanbarthol yn cefnogi’r gwaith o gyflwyno’r gwasanaeth ar draws pob un o’r pum ardal awdurdod lleol.