Roedd Amanda Brooks yn ddi-waith, yn 53 oed ac yn gweithio tuag at yrfa ym maes adeiladu mawr. Roedd gan Amanda brofiad blaenorol yn y diwydiant hwn a’i breuddwyd yw dod yn Oruchwyliwr Safle.

Cofrestrodd Amanda am gefnogaeth gan Gweithffyrdd+. Rhoddodd Gweithffyrdd+ fentor i Amanda i’w helpu i ddatblygu’i sgiliau cyflogadwyedd a llunio cynllun o sut y gall gyflawni’i dyheadau cyflogaeth.

Nododd Judy, mentor Amanda, fod ei diffyg cymwysterau yn her i gael gwaith. Chwiliodd Judy am gymhwyster hyfforddi priodol ar gyfer goruchwylwyr ac ariannwyd yr hyfforddiant gan Gweithffyrdd+. Llwyddodd Judy i gefnogi Amanda dros y ffôn a thrwy rannu apiau.

Meddai Amanda, “Mae torri i mewn i sector â llawer o ddynion ynddo, fel maes adeiladu mawr yn her, yn enwedig fel goruchwyliwr. Daeth Gweithffyrdd+ o hyd i gwrs goruchwylwyr i mi ym mis Ionawr 2021 ac ariannon nhw’r holl gostau. Cyflawnais y cwrs ac mae Gweithffyrdd+ bellach yn fy helpu i gymryd y camau nesaf hynny at fy swydd ddelfrydol”.