Gweithio gyda Chyflogwyr

Meddai Rheolwr Talu a Chario Castell Howell, Eirian Thomas, “Mae Darren (un o gyfranogwyr Gweithffyrdd+) yn gweithio’n galed, mae’n frwdfrydig ac yn boblogaidd iawn gyda’i gydweithwyr a chwsmeriaid. Mae Darren yn dda iawn am weld yr hyn sydd angen ei wneud ac mae’n bwrw ymlaen ag e’. Rydym yn fodlon iawn ar ei gyfraniad at y busnes. Daeth Darren i Gastell Howell drwy Gweithffyrdd+. Mae gennym berthynas dda iawn â Gweithffyrdd+ a byddem yn erfyn ar fusnesau eraill i gysylltu â nhw. Maen nhw’n gallu darparu cefnogaeth wych ac yn gallu helpu busnesau gyda’u recriwtio.”

Meddai Jaime Bohata, Buckingham Group Contracting Ltd, “Cyflwynwyd Steven (un o gyfranogwyr Gweithffyrdd+) yn wreiddiol i ni pan ddaeth i’r safle i weithio i’n contractwr seiliau. Dangosodd yn gyflym iawn ei agwedd gadarnhaol iawn at bob tasg, gan gynnwys derbyn gweithdrefnau Buckingham Group. Pan ddaeth ei rôl i ben gyda’r contractwr, roedden ni’n chwilio am weithiwr safle i ymuno â’n tîm, a doedd dim petruso wrth gysylltu ag e’ i lenwi’r swydd. Mae Steven yn mynd ati i gyflawni ei weithgareddau dyddiol gydag agwedd gadarnhaol iawn, waeth beth yw natur y gwaith. Mae e’n ddiwyd, yn gwrtais iawn ac mae’n sylwi ar elfennau y tu allan i’w gylch gorchwyl ac yn dweud wrth y tîm os oes angen sylw ar unrhyw beth. Dyfarnwyd teitl ‘Gweithiwr y Mis’ iddo i gydnabod ei ymdrechion.”

Meddai Steve Davies, Rheolwr Gyfarwyddwr Habitat Homecare, “Ymunodd Melanie (un o gyfranogwyr Gweithffyrdd+) â’r tîm yn Habitat Homecare ar ddiwedd 2019 drwy gynllun Gweithffyrdd+. Ar y pryd roedd y cwmni’n tyfu ac roedd ein llwyth gwaith yn cynyddu, felly’r angen am aelod ychwanegol ar gyfer y tîm. Mae Melanie wedi datblygu a gwella’n gyson yn bersonol ac yn broffesiynol gan sicrhau bod pawb sy’n cysylltu â’r sefydliad yn cael y gwasanaeth gorau a’r profiad ymgeisydd gorau posib.”

Meddai Wayne Evans, Rheolwr AWE Aluminium, “Mae Nathan (un o gyfranogwyr Gweithffyrdd+) wedi gweithio’n galed iawn ers iddo gael ei gyflwyno gan Gweithffyrdd+ ac mae e’ wedi ymgartrefu i’w rôl fel gwneuthurwr yn dda. O’r dechrau mae e wedi dangos ei fod yn weithgar ac yn gyfrifol – nodweddion sydd wedi’i helpu i ddod yn arweinydd tîm yn ei adran. Cynigiom y swydd iddo a neidiodd amdani gan greu argraff yn syth. Does dim amheuaeth gennym y bydd yn gwneud gwaith gwych ar ein cyfer.”

Meddai Mrs Sonali Perera, CDA Care Ltd, “Roeddwn i’n chwilio am Arweinydd Tîm newydd ac roedd gen i feini prawf mewn golwg. Wrth arsylwi ar arferion dyddiol y staff, gwelais fod gan Paul (un o gyfranogwyr Gweithffyrdd+) y nodweddion roeddwn i’n chwilio amdanynt. Roedd i brydlondeb, ei sylw i fanylder, ei allu a’i barodrwydd i ysgwyddo cyfrifoldebau a’u cyflawni yn ôl y disgwyl, yn nodweddion o’i blaid. Oherwydd ei etheg gwaith, dewiswyd Paul ar gyfer y swydd. Mae’n bleser cael person fel e’ yn fy nhîm.Gall e fynd ymhell yn ei faes ddewisol.”

Meddai Stuart Thomas, Rheolwr Gweinyddu, Westward Energy Services, “Mae Jenny (un o gyfranogwyr Gweithffyrdd+) yn ychwanegiad gwych at ein cwmni. Mae rôl Jenny yn amrywiol ac yn gofyn llawer, ac mae’n ymwneud â phob agwedd ar gefnogi’r tîm. Mae Jenny wedi integreiddio’n dda iawn â’i chydweithwyr ac mae ganddi agwedd ragorol at ei gwaith. Mae Jenny yn hoffi ymwneud â pha dasgau bynnag sydd gennym ar ei chyfer ac mae’n cyflawni’i dyletswyddau mewn ffordd drylwyr. Rydym yn falch iawn o gael Jenny yn gweithio gyda ni. Rydym hefyd wrth ein boddau â’r help y rhoddodd Gweithffyrdd+ i ni er mwyn recriwtio. Mae ganddynt fynediad at gronfa o bobl hyfforddedig sy’n chwilio am swyddi ac mae eu ‘Cyfle Gwaith â Thâl’ yn rhoi cyfle i gyflogwyr weithio gyda pherson cyn ymrwymo i unrhyw gymorth ariannol.”

Meddai Ian James, “Mae Sharon (un o gyfranogwyr Gweithffyrdd+) yn aelod gwych o’r tîm a bydd ei rôl yn datblygu wrth i’r cwmni ehangu. Dyma’n tro cyntaf yn cyflogi rhywun drwy gyfle gwaith â thâl ac mae’n rhaid i mi ddweud ei fod wedi bod o fudd i ni. Nid ffordd o arbed arian oedd hwn i ni, ond ffordd o roi cyfle i rywun gael swydd go iawn. Mae’n welliant mawr ar ddibynnu ar gyfweliadau. Mae Gweithffyrdd+ yn cynnig gwasanaeth gwych ac mae’r staff yn gweithio’n galed i gefnogi busnesau a chefnogi pobl ddi-waith.”

Meddai Daniel Shepherd, Cyfarwyddwr Cando Laundry Services, “Mae Bernadette (un o gyfranogwyr Gweithffyrdd+) wedi bod gyda ni bellach am 10 mis ac mae’n aelod gwych o’r tîm. Mae ganddi agwedd gadarnhaol a dyna’r hyn rydym yn chwilio amdano. Rydym wedi gweithio gyda Gweithffyrdd+ am dros flwyddyn ac maen nhw’n bartneriaid gwych. Maen nhw’n cymryd y cyfrifoldeb am lawer o’r gwaith recriwtio, gan gynnwys archwilio hanes pobl i sicrhau ein bod yn cael ymgeiswyr o safon.”

Meddai Gill, Rheolwraig yng Nghanolfan Maerdy, “Gwelais yn gyflym fod Hannah (un o gyfranogwyr Gweithffyrdd+) yn awyddus iawn i ddysgu ac ymuno â’r gwaith o redeg y grwpiau yn y ganolfan. Roedd yn hyfryd gweld Hannah yn datblygu’n bersonol ac yn magu hyder. Mae’n bleser cael Hannah yn y tîm.” Meddai Daniel Shepherd, Cyfarwyddwr Cando Laundry Services, “Mae Bernadette (un o gyfranogwyr Gweithffyrdd+) wedi bod gyda ni bellach am 10 mis ac mae’n aelod gwych o’r tîm. Mae ganddi agwedd gadarnhaol a dyna’r hyn rydym yn chwilio amdano. Rydym wedi gweithio gyda Gweithffyrdd+ am dros flwyddyn ac maen nhw’n bartneriaid gwych. Maen nhw’n cymryd y cyfrifoldeb am lawer o’r gwaith recriwtio, gan gynnwys archwilio hanes pobl i sicrhau ein bod yn cael ymgeiswyr o safon.”